噢.....和牛

派對過後的星期天 (07.11.11) 當然攰-ing啦, 攰到連亞仔終於肯陪我睇潮蛋我都唔想睇 (冇錯!  由中秋等到e家都未睇, 噢!)

但是..........去o左九龍城

一心諗住去買花膠俾老媽同食魚蛋粉, 可惜兩個地方我都冇記低個地址 (只係知响九龍城)

架車轉o左幾次都唔覺眼, 唯有放棄佢 (仲要俾亞仔話我下次想去邊唔該記低個exact 地址, 唔係地區….耶~)

結果又去番食牛肉餅.........弊 ~ ~ d 水準差o左呀 !!! 唔止我同亞仔, 就連對面搭枱位亞姐都覺.........雖然好juicy, 但d肉比以前實, 個汁又咸o左d.........仲要旦半粒鐘先有得食….

 

 

 

 <---------- 反而响街邊食的泰串仲好食

之後決定整個豪華版煮飯仔

去o左永富買大閘蟹 、附近既肉皇到買和牛肉眼, 西冷牛扒 & 羊架、有機菜同埋去泰國鋪到買定d冬蔭公料遲d整

未煮之前亞仔已經好擔心我煎既和牛 & 羊架 (因為我之前overcook過), 結果今次我好叻冇overcook 呀, d肉剛剛好 5-6成熟 , 可惜.........太咸太咸了  (事緣老闆話臨煎之前可以加d鹽同胡椒調味, 佢俾o左包野我而我唔知情下一野落晒…….so )

亞仔 : 「嘩…..10級咸呀, 你記得响你個blog到寫低佢呀」 +

我 : 「哼 ! 整多幾次咪會好囉, 上次overcook, 今次冇, 下次咪唔咸囉 」 +

亞仔 : 「噢……你浪費了三百幾蚊啊……和牛好可憐呀」 +

我 (自己都發覺好咸呢) : 「 …….嘻嘻, 不如點d茄汁減緩吓d咸味呀」

亞仔 : 「噢……食完個腎有冇樹嫁 ?」

我 (厚顏-ing ) : 「 不如我o地快d要再買再練習呀, 一個月內買滿$1000有$30漢堡扒送啊, 呵呵呵」

不過個羊架係ok既……而且亞仔之後食o左3隻佢至愛既蟹蟹, 咸牛事件.........

~~~~~~~~~~~~~~~~~~~~~~~~~~~

後記 : 間花膠鋪原來叫「 好東西」, 但是我仍然唔知食魚蛋粉間野叫o羊啊 ~