Cheap精晚餐

07.11.04  -- 呢日亞仔好乖咁請o左我去食鵝肝餐啊 ~

事緣再上一個星期佢失驚無神俾朋友 "R" o左去人家屋企食蟹

, 雖然亞仔佢叫埋我一齊去, 但是我唔多好食蟹兼唔想响周末都要扮蟹, 哼!! 你知啦, 同佢呢班朋友唔係太熟 (定係唔想咁熟呢?!) 所以點都要 crab-ing 嫁ma, 但係呢期返工已經要crab-ing........噢, give me a break

!!

所以我同亞仔講唔想去, 叫佢車我去聖地牙哥酒店, 我想去 Marco's 到好好享受一個人的晚餐

但是去到佢居然唔俾我落車, 因為佢覺得食呢d野應該要有人陪.........well, e家既我真的唔mind一個人獨處既時候, 可能年紀大o左又潛o左啦, 唔似得以前去邊都一定要”R”埋朋友一齊去......不過, 既然佢肯請番我食, 我呢個Cheap 精就梗係唔mind啦

==================================================

講番餐飯, 我o地 6:30pm 去到唔係太多人, 不過卡位就冇晒lu

 

我當然order 佢個$148 鵝肝餐啦, 因為有齊晒我喜歡既野食 : 龍蝦湯, 鵝肝, 牛柳同 go go 力心太軟; 而亞仔就 order 個$158既Ribs食, 另外再加$25叫隻生蠔

正當等食期間, 聽到隔離枱話唔知响邊本$10雜誌用o左張coupon 有8折又有紅酒好鬼屎抵喎~

呵呵呵, Cheap 精上身既我即刻同亞仔講我要去7仔睇o下邊本雜誌有coupon呀, 由於家中已有新假期同飲食男女, 所以我先鎖定目標係 U Magazine, 真的開口中呀

~

買完雜誌後就拎o左張coupon俾部長, 由於我個餐已經特價 (原價$228), 所以冇折, 不過亞仔個set有8折同俾有枝免費紅酒

呀!!! 呵呵呵 , 我覺得用$10可以平o左 $3x + 枝紅酒 + 3本書睇好超值

相信大家都心急去片睇睇啦 :

Well……呢餐叫做可以咁啦 (不過又唔係物超所值果隻), 味道同我上次食都係差不多 (詳情按此), 鵝肝煎得好好味, 不過size比上次細塊o左, 個牛柳都幾OK, 湯同三文魚多士就普通, 個意粉比上次入得口但仍然唔好味, 不過個甜品心太軟同加$20的梳乎厘又係好味道, 而且仲有杯coffee or tea tim~

同場仲有菲籍Uncle唱歌, 我o地仲點o左支老歌呵

~

呢晚雖然唔係去d好grand既地方食candle light dinner, 不過我好開心呀

~~