又病了 >.<~

2011.3.10 (星期四)

我的寶貝又要去睇醫生啦

上次病完之後, 除了百日宴那天出過街, 芝士餅差不多成三星期被我們困在家中

眼見佢已經好番晒, 所以係我慶生日那天就帶她出街一齊食晚飯慶祝吓啦, 怎料第二天就聽到佢有兩聲咳

由於唔似之前有痰果隻辛苦咳, 今次有d似大人喉嚨痕咳兩聲果隻......所以我們就打算觀察住佢先, 亦冇俾藥佢食住 (因為上次餵食藥比餵奶更辛苦, 而且佢會更加更加冇胃口呢 ~_~)

之後的個多星期, 芝士餅仍然都係每日有兩聲咳 (or even有一兩日冇咳), 不過由於她仍然成日同人笑笑笑, 眼仔碌碌, 所以我們成日都struggle好唔好睇醫生

到打針果日, 醫生聽完佢個肺又話好清, 所以本來我們都打算由佢.......

點知星期二 (2011.3.8) 晚, 同佢玩玩玩既時候突然發覺佢額頭熱o左, 一探熱...........OMG, 38.2度!!!!!  大家立即進入緊急狀態

一路keep track 住佢既溫度, 換過件薄d既衫仔..........感恩係幾粒鐘之後就冇再燒, 不過就咳多o左同流o左一次鼻水

由於星期三曹醫生冇得睇, 所以我們要等到星期四先可以帶芝士餅睇佢, 曹醫生用聽筒聽前面時都話個肺係清既, 不過聽後面就話氣管有d窄...........係氣管敏感所以亦令佢呢陣子更加唔食奶 (個陰公豬成10日都冇重過呢, 嗚嗚嗚 ~)

雖然曹醫生話not a big deal, e家d空氣貢差, 好似trigger到............不過, 我好內疚, 我覺得係我照顧芝士餅不善而引起 (say 屋企空氣唔流通, 大塵, 同o左佢出街, 唔早d去睇醫生 etc) 嗚嗚嗚, 點解貢細個bb就要病呢?!  我真的真的想替她頂啊

當晚返屋企食藥水, 起初都好地地, 點知之後佢突然好似"濁"親貢狂咳, 仲連痰帶奶+藥水嘔晒出來...............我真的十級心痛啊

芝士餅: 你要乖乖豬快快快好番呀, 全家人都十卜你