【大少奶的快樂廚房】之讀後感

好............睇完書當然要整番份讀書報告先啦

同上次一樣分門別類去解構本書先 (呢個係我平時做report既style):

封面:

絕對承接上一本既style (令我覺得好似我當年睇由水禾田繪畫既亦舒系列封面啊), 隻Tiffany blue 的確好配合快樂既主題, 感覺好舒服, 好relax!

旋轉木馬係乜乜物物樂園主題公園既必備品, 係令人快樂同開心既象徵, 今次以此為封面既主要圖像的確有心思!

記得上次有comment過如果書背的蛋糕紙都係凸起效果會更好, 今次雖然唔係蛋糕紙, 但書背既插圖係有凸起嫁, 感覺grand o左好多呢 (不過........我覺得如果書面既刀叉同打蛋器再凸起多少少會更好呢 ~)

紙質:

同上一本一樣, 係非一般『食譜書』用開既型格紙張, 個人的確很喜歡!

相片:

知道今次大少奶用了大機影相, 因此今次雜訊出現既情況的確比上一本書用DC仔影出來大大減少呢! 當然少部份較暗既地方都仲有少少雜訊, 但呢本又唔係攝影雜誌, 我完全覺得好okay ~ 

大少奶一向係blog post 既相, 角度同構圖都有層次感, 而且今次相片數量亦比上次為多,  除了食物相之外, 仲有大少奶私相簿既照片, 好豐富啊 ~

插圖:

同上一本一樣, 沿用了大量簡單的線條而繒畫了與文中相關的內容/食物, 感覺良好 ~

唯一可惜菇菇姐今次畫既插圖只縮小成一細張相仔 ~

構思:

繼上一本書大賣之後, 出版社同大少奶今次合作炮製一本寫來係為讀者快樂既書, 有呢個idea的確好好呢 ~

去年Q3之後, 香港人由意氣風發變成愁眉苦臉, 一場金融風暴令好多人身家大縮水 / 失業, 好多計劃都可能被推倒........呢個時候, 出版一本令人減壓, 開心, 快樂, 溫馨, 瘋癲既非一般『散文 X 食譜』書, 真係好似天熱食雪糕一樣清涼! 佢o地的確好粉葛呢 ~

Contents:

Happy Formula = 發現 ---> 期待 ---> 尋找 ---> 追蹤

絕對係快樂有條水!

內容的確好豐盛........今次有大少爺既序打頭陣, 書末就有大少奶主打整蠱大少爺既絕密方案, 由好sweet變成好癲, 呵呵呵 ~

好喜歡今次每個Chapter都用唔同color既插圖間場, 好sharp-醒呢!

食譜:

大少奶做野一向快手快腳, 佢既食譜同樣係快捷方便、簡單易明..........不過唔好以為貢簡單既食譜煮出來會係d簡簡單單把鬼既菜式, 跟佢既食譜煮飯絕對可以出得大廳 (計有花膠湯, 茄汁煎蝦碌, 錦雲吞, 燸米釀雞翼, 蠔仔粥.......嘩) !!!!

而且今次食譜既構思同編排都好有心思, 計有四季comfort food, 不同難度既party food, 大少奶私房菜, 真係包羅萬有, 好適合唔到時節唔同埸合呢 ~

散文:

打從上一本書, 特別期待呢個部份, 因為係我至喜愛的部份呢 ~

聽從民意, 今次既散文部份係加強版, 多o左好多篇幅呢, yeah!!!!

睇完之後會感染到大少奶如何尋找快樂, 如何令身邊人 (愛人&友人) 快樂, 如何製造happy formula, 如何去食得快樂, 癲得快樂............

當然文字間仍然感受到大少奶對精神領袖同她爸爸濃得化不開既愛, 仲有大少奶小時候既孤寂, 睇到呢d部份又會好touching..............

睇一本書又會開心又癲, 但又會窩心, 仲有感動位同知識位..........所以你話我係唔係會思覺失調呢, 哇哈哈 !

小意見:

雖然本書真係好好, 但都想來緊第三本書可以更進一步, 睇完今次本書後都有丁屎既小意見以待改進 :

 P.40 - 43 味蕾上的快樂 - 點解係P.40-41寫晒d食物之後, P.42-43先有相關既相片呢?!  感覺有丁點怪, 要我睇完晒d文字後先見到真身 ~

 翻睇後再補 (if any)

廣告時間:

@P.31

我好好好榮幸有份做非烏點快樂證人, 能夠係一本暢銷書上有我既片言隻字, 的確感到威水呢, cool ~

要

, 同我講聲呢, my pleasure (唔知醜ing )

繼續祝新書大賣呀賣呀賣呀賣呀賣呀!!!!

大家5555555555555555去買啦, 買完大少奶仲會請你o地飲咖啡啊, 呵呵呵~

將會重睇-ing, 因為我想更快樂啊, yeah!!!!!!!! 

***********************************

出post時間, 我們成班 {餓底} 已經係私竇開party攪簽名會慶祝啦 ~