深圳掃貨之旅 ~

一向都冇打算番大6掃結婚用品, 因為我成日都認為上去既車費都係番到啦 ~

但後來睇見 esd life 既姊妹不斷既超值介紹同埋亞茄提供既info, 個心又有d痕癢

最後仲遊說埋亞仔都好willing上去呢 (因為佢有我之前既concept, 又怕冶安唔好, 乜乜物物.......)

上個月最後一個星期六 (6.26) 等亞仔放o左工, 吃過美味既 Pepper Lunch 後便北上

我們去到深圳都3:45pm了, 本來我想先按摩後掃貨, 但亞仔就堅持先去筍崗文具批發中心以完成當日既mission先

點知係筍崗間鵬鵬都留o左  over 兩粒幾鐘呢  之後再行多陣, d 鋪頭都要休息呢, 雖然 target list 全部都買晒, 但我仲有成座專買結婚用品既紅色building未行呢, 嗚 ~

由於我之前不斷話要上大6食平價小肥羊, 買完野之後亞仔便帶o左我去, 點知旦位都旦o左成粒鐘 (其實旦o左分鐘我已想放棄, 但反而係亞仔堅持多旦一會, 因為佢怕我返來HK之後又佢冇食小肥羊呢, 哈........佢真係好UN- 我)

well.............小肥羊呢餐的確好平@RMB160, 但食物既質數就一般o左d (可能我們愛吃鏗記 / 火鍋本色果d 類型啦)

食飽飽都成10pm, 但上深圳唔去按摩, 對我呢隻骨精來講的確係欠缺o左d, 於是我們又拿拿聲去了個比較新既場 --- 水立方, 個場e家都幾好, 按摩既姐姐仔又按得幾ok到....中式按摩 90 mins + 按腳 45 mins, 每人約 HK$235 (連tips)...........可惜我要趕返家, 如果唔係hea多陣, 食多幾個果盆 & ice-cream 會再抵d呢

返到屋企已經3am

~ 是日行程完結 ~