默哀
....................
...........
...
.
祝願
菲律賓遇害港人一路好走
受傷者早日痊癒
各家屬振作
......................
...........
....
.
希望早日提交事件真相!
2010年8月24日 星期二
呼吸班
琴日雖然病病地 (喉嚨發炎 + 小感冒.........呢段時間最唔想食藥最終都要食, 嗚~)
但夜晚都同老公上BB Care既呼吸班
一來俾o左$$$$唔可以改期又唔可以搵人頂包
二來我好想學以致用呀
Miss教了係唔同陣痛時期所用既呼吸法, 目的係希望分散注意力, 唔好淨係掛住叫痛
雖然一路教一路練習, 但我知道到期時又係另外一會事
所以我不斷同老公記住d呼吸法, 到時我痛到發癲時佢要冷靜地叫我呼吸呀 ~
另外Miss又分享o左佢入產房既經驗............
................
一句講晒: 係會痛痛痛, 十級的痛
不過我好認同佢話呢個係美麗的痛, 呢種痛係身為女人, 作為媽媽先可以感受到!!!
芝士餅: 媽媽好想感受你出來既感覺啊, 為了你, 我願意去頂呢種痛, 相信係人生最痛既感覺...........所以你真的要乖乖轉番頭仔向下, 然後按時出世 (唔好太早出世呀!)
2010年8月21日 星期六
第10次產檢 X 4D (@28w)
時間突然之間過得好快貢, 琴日就踏入28周啦
記得懷孕初期有渡日如年既感覺先至可以等到兩星期去見醫生見芝士餅
e家 "du" 一聲就一個月
琴日就安排照4D, 心情當然又興奮又緊張 ~
之前幾日已經不斷同芝士餅講叫佢同我們合作, 唔好用手仔摭面唔俾我o地見
去到唔水多等就可以見醫生 (幾難得呀~), 點知芝士餅就好頑皮摭住晒塊面仔唔俾人見
曾醫生不斷按我個肚祈望佢轉好d個位置都唔成功, 結果曾醫生叫我o地出去坐坐再試過
護娘叫我們大概等半粒鍾左右再試, 於是我們就先去澳洲牛奶公司食個tea先 (因為我之前冇乜點食lunch.............唔通芝士餅唔想餓壞媽媽?!)
一路食我一路同芝士餅講叫佢乖d合作d, 又叫老公都同芝士餅講下野
老媽同家姐姐就笑我們自言自語 (唔係嫁, 芝士餅聽到既呢
上去等多陣再check, 曾醫生話如果照唔到都冇辦法, 唯有下次再照 (吓......心諗: 唔好呀, 要成個月之後先見, 而且到時芝士餅size大o左仲難睇呢)
於是又不斷同芝士餅傾計
............好彩, 今次都叫做見到佢啦 
不過隻手仔成日都摭住小小, 唔通佢想扮招財喵
第一次見到4D, 好立體, 好震撼, 好實在啊!!!!!!!!!!!!!
老媽同家姐姐一見到個樣就話..............好似你老公呀 ~ (well.........我都覺 ~.~")
而且個鼻同個咀都幾大吓呢 
醫生話芝士餅係大隻B呢..........e家芝士餅有3磅2安士, 用此預計, 出世起碼有7磅wor (希望啦
又不過..........上次芝士餅個頭仔已經轉向下 (仲要比較低tim), 點知今次佢又轉番頭上腳下既位置, 曾醫生話下次再睇下佢轉唔轉番向下, 如果唔係到時生要開刀呢
噢...........唔好呀, 唔好呀, 我好想順產嫁
芝士餅: 你要乖乖轉好個位置呀, 媽媽好想順產生你...........我知到時會十級痛, 痛到咩人都唔認得, 但我好想感受你由我子宮出來既一刻, 好想快d復原照顧你, 餵人奶俾你飲..........你要同媽媽合作啊, 媽媽好愛你的
2010年8月18日 星期三
長長久久
Yeah yeah yeah ~
Yo yo yo ~
今日係同亞仔手手日9周年呀
今年手手日都幾特別
因為係婚後第一個手手日
而且仲同芝士餅一切渡過
原本book了去影免費大肚相慶祝 (公司既員工優惠)
點知間公司失驚冇神話要改期
(唔水$$真係信唔過, 好在我遲d會搵人再影, 哼~)
e家唯有放工後食餐飯仔就算了
(因為好多正野都食唔到, 嗚~)
不過, e家同芝士餅一切過都好好好開心嫁
老公: 你e家既愛除o左俾我之外, 仲要俾我家人
同埋我倆至愛既芝士餅
大家都要繼續為呢個家而努力
我們要以愛為力量
長長久久啊!
我在看「愛」這個字
一個「受」一個「心」
兩個字加在一起
變成「愛」這個字
要怎樣開始
怎樣的保存堅持
要怎樣一起去到永遠
兩個人每天進行
愛情的練習曲
* 在愛情裡會看到包容和犧牲
也同樣可以找到猜疑和欺騙
在你的身上可看到就像我的另一個你
在愛情裡要堅定忍耐和盼望
愛是不嫉妒不自夸和不張狂
無論怎樣 順境逆境 富裕貧窮
健康疾病 快樂憂愁
我對你承諾
要一起到永遠
一個心找一個心
兩個人一個心
一個你跟一個我
再分不出你我
我會去愛你就好像愛我自己
我找到你才找到自己
就這樣不離不棄
最完美的完美
2010年8月17日 星期二
公主寶座
多謝Jojola auntie送俾芝士餅既公主寶座呀
雖然接收了妹豬仔其中一張high chair, 但呢張high chair比較硬身同埋冇高度 & 斜度調教, 只適合可以自己坐到大概6mths以上既bb ~
而我就一直心儀一部可以調教高度 & 斜度, 由new born到3/4歲既high chair, 初生時可以拉直俾佢nap一陣or搖住同佢玩, 大d就真係當high chair旦佢食飯時用 ~
本來target combi 平一千蚊果部............另外又再去睇過aprica既high chair
但Jojola auntie睇完之後覺得呢部闊落d, 實淨d同靚d............而且我問過芝士餅, 佢睇完呢架都踢我示好呢..........所以
e家Jojola auntie 送呢架不但可以滿足到我以上既目的, 佢仲可以用來換片片呢, so good
多謝家姐姐~多謝Jojola auntie ~多謝~
2010年8月14日 星期六
2010年8月8日 星期日
再展bb展
星期日同老公再去BB展, 因為佢都想去睇睇
其實我們仍然唔敢亂買野，不過今日就拎咗幾多野呢~
先睇下我們買o左既丁屎野.........
係B&M買了一鈎多架既BB衣架，貴小小貪佢可以摺埋同垂直架衫......呢間野有日本奶粉同尿片訂, 有分店係屋企附近, 第樹知道芝士餅啱邊隻都可以搵呢間呢~
Mustela 今日要$40換大支baby wash, 因為想買佢枝"妹妹"cream, 所以就另外買了set7折 ($198) 套裝~
妹豬仔都用既body lotion, 奶奶話抵, 所以入定枝~
訂閱：
文章 (Atom)