呼吸班

琴日雖然病病地 (喉嚨發炎 + 小感冒.........呢段時間最唔想食藥最終都要食, 嗚~)

但夜晚都同老公上BB Care既呼吸班

一來俾o左$$$$唔可以改期又唔可以搵人頂包

二來我好想學以致用呀

Miss教了係唔同陣痛時期所用既呼吸法, 目的係希望分散注意力, 唔好淨係掛住叫痛

雖然一路教一路練習, 但我知道到期時又係另外一會事

所以我不斷同老公記住d呼吸法, 到時我痛到發癲時佢要冷靜地叫我呼吸呀 ~

另外Miss又分享o左佢入產房既經驗............

................

一句講晒: 係會痛痛痛, 十級的痛

不過我好認同佢話呢個係美麗的痛, 呢種痛係身為女人, 作為媽媽先可以感受到!!!

芝士餅: 媽媽好想感受你出來既感覺啊, 為了你, 我願意去頂呢種痛, 相信係人生最痛既感覺...........所以你真的要乖乖轉番頭仔向下, 然後按時出世 (唔好太早出世呀!)