估我唔到洗大o左@2012 BB展

2012.08.02 (星期四)

呢日請了半日安同靚媽Diana同埋甜甜Vanlily一齊去BB展血拼!!!

每年8月o既BB展係最大型o既 (其實荷花一年搞兩次BB展, 但2月果個o既scale係細d)

呢兩年都多o左其他機構搞乜乜物物o既bb展................

我記得第一年去 (當時仲佗住芝士餅),  d 贈品係正好多 (我填張form都好個好正o既媽媽袋, 按此), e家感覺d贈品係削o左好多 (可能d參展商主打內地客都唔憂做, 所以唔水再用贈品吸引消費者啦)

之但係, 我仍然次次都會請假去八下有咩買, 搏下拎到d好O既贈品 (好一名cheap精C9), 又想知有乜新產品好買..............


今年雖然有個所謂o既VIP日 (即所謂免排隊入場同埋不設即場售票), 不過仍然好鬼好鬼多人 (但就好似少o左d 內地人)

排隊買果本優惠券條人龍長到我們都見唔到龍尾   (點解呢點唔VIP埋佢呢?!)

由於去年本優惠券都冇乜用得著, 所以我們決定放棄買果本書仔, 留番D時間睇O野好過 .............

可能以往太掛搵d coupon 再排隊換贈品, 今次可以專心睇o野, 加上都做o左人呀媽一排, 更加知道需要買乜, 再再加上同兩位媽媽一齊去 (大家又可以傾下交流下)

結果今次係BB展洗o左幾千大洋啊 (不過最主用要係訂奶粉到啊)

好.............睇下我們3位媽媽由3pm-8pm o既戰績先:



真係估唔到自己都會買貢多o野, 所以甜甜拖 "gip" 來好叻嫁佢 ~~~

而以下就係我o既收穫 (未計箱半奶粉同d Heniz果汁)



好, 再close up 某部份物品啦

呢個牌子都聽過一排, 佢個皇牌產品爽身粉洗液e家$62/枝 (原價好似$110), 試完又好似幾好...............另外o既bb water 同 二合一沐浴露折完都係$6x - $7x, 所以又買來詆下



個Comfi枕頭e家68折 ($230), 之前芝士餅都係用呢個牌子o既bb version, 所以e家有折就買買買



3M省水器想買巧耐, 成日經屋企附近果間日本城又唔多覺眼, e家$250/兩個 (一個慳45%, 另一個就慳85%) , 仲有贈品~



原先都冇打算再買顏色筆 (因書展都買o左Crayola), 點知試呢款Titi o既木顏色感覺好正, 個sales姐姐又話呢set套裝已經夠成個幼稚園3年用...........所以又敗了



我以為自己會買好多書, 但係新雅今次個booth好細, 好多$100/7本o既德育書都冇晒貨............橙色呢款係新系統, 就$20/本

另外就係家庭計劃指導會買o左兩本性教育書 (想買好耐.............今次終於買o左!)



另外靚媽推介呢枝食得入口o既牙膏($52/枝), 佢話出面成日斷貨....................

買完才記得自己之前網購買o左枝$200 o既澳洲牙膏俾餅................睇來芝士餅有排都唔水買牙膏牙刷!



另外Heniz果隻golden circle 果汁都幾抵, 平時特價都要$2x/pack, 會場就$20/pack..................不過拎幾pack已經好甘呢

仲有思詩樂都係比平時Jusco平幾蚊呢!

換轉我屋企人, 佢o地唔會為每樣平幾蚊而入來迫入來抬.............不過我呢隻C9, 就成日都係慳豉油唔見雞

雖然次次行完我都話冇乜O野好抵同買, 不過次次都會走去迫走去買