芝士餅與豬仔包: Happy School

2014年1月8日星期三

Happy School

雖然工作上又有火屎o野 xyz@###@

但老虎蟹今日都出呢篇post先!

呢兩日都睇到好幾篇文章講e家o既幼稚園真的"谷"得太緊

將K3 o既功課俾d大人做都未必做到........

而有朋友同芝士餅一樣讀ing K1 o既囝囡來緊今個月做評估, 佢post o左要識o既中英文字上fb

真的嚇鬼屎我.......K1已經要識四字詞語 @@

我家芝士餅仲係認緊d 人手口耳呢d 基本單字咋 ><

而且佢o地d老師又會打電話俾佢o地話小朋友仲未認晒d字, question佢o地有冇好好同小朋友跟進溫習

OMG!!! 呢個真係咩教育制度

可能有d家長係為o左小一而鋪路, 認為e家小朋友習慣辛苦d, 小一會有好日子或者易d過

其實我之前都係貢諗, 所以起初都想俾芝士餅入d "谷" 型幼稚園

我知........我也很怪獸 ^.^

之後俾我老公阻止我

他認為德行比成績更為重要, 他希望芝士餅繼續做隻開心果, 有一個快樂的幼稚園生活

我老公覺得可能上小一初初會辛苦, 但6歲人仔o既承擔力點都會好過3歲人仔

而且以我一個災難媽媽o既性格, 成日貢評估, 佢話我一定發瘋, 充滿壓力都似 (即係佢要成日聽我d "煩" 音)

當然, 有d家長同小朋友可以係好愉快o既情況下教到小朋友好多程度唔淺的知識, 同時係好"谷"o既幼稚園返學亦都好易handle到........

...........學Ken Sir 話齋, 人家背後o既心機, 心思同附出唔係一朝一夕, 呢d成效係值得的! 所以, 他成日告訴我們不可以睇表面同人比!!

始終小朋友好靠父母去教去引導..........所以父母都唔可以洗手不幹, 旨意晒學校而唔教小朋友o野

不過, 我作為一個災難型媽媽, 在有壓力下教同冇壓力下教o既感覺應該好唔同.................

芝士餅學校係happy school (相信e家好多家長一聽到happy school 就知道間學校課程程度唔深)

係呀.............芝士餅間學校好輕鬆, 冇功課做

只是每星期做一次畫公仔的閱讀報告

間唔中做丁屎親子worksheets (如影下屋企係邊, 比較下自己bb同e家分別o既相, 交d坐不同交通工具o既相) 作回校分享

認d好簡單o既單字 (中英文都係)

英普也只是一星期一堂, d 習作紙 (好似連線, 認字, etc) 都係學校做鬼晒, 我們通常一個月才收番一次呢d習作紙

但芝士餅返學真的返得好開心 (另外, 也feel到很多同學仔也喜歡她呢 ^^)

學校每個月都有d相俾我們, 睇d相, 芝士餅係學校真的好快樂, 成日都影到佢笑咪咪

其實我都知e家唔谷開, 芝士餅上小一時應該好好很辛苦............

...........但從過來人口中, e家o既小學只會分「好」辛苦, 「十分」辛苦同「非常」辛苦

而我朋友個囡一直在超谷幼稚園讀書, 成績一向名列前茅, 上到名牌小學, 小一時都過了一段「非常」辛苦的適應期............

明白e家呢個世代even 普普通通o既小學都唔會有好舒服的日子

而去得果d所謂名牌幼稚園, 自不然又要去d名牌小學, 入得到d名牌小學, 就要過「非常」辛苦的日子...............

.........

諗到呢到, 我都開始有所領悟.............

最近再睇埋呢d文章, 更加感恩自己找了happy school 俾芝士餅

好讓我們呢3年仲會開開心心快快樂樂無憂無慮貢過

不過我e家每日都安排芝士餅在家做1-2張簡單習作 (都係連下線, 數下數, 貼下貼紙果d), 希望佢習慣下日日有o野做o既心態

由於我放工唔早, 通常平日見得芝士餅一粒鐘佢就要訓覺 (如果OT就更加見唔到 ><)

所以回家玩一陣, recap 下學校d o野, 睇番佢晏晝o既習作都冇乜時間....

.....e家陪訓時就force自己/老公同佢講一至兩本書仔, 希望芝士餅開始喜歡睇書............so far e家同佢睇書, 佢已經冇走佬啦!

既然呢3年係happy school, 貢我就好好養定把聲, 一入小學, 叫破喉嚨的日子點都會來臨啊, 呵呵呵~

同場加映芝士餅12月學校生活點滴

主題學習: 由"我長大了"伸展至"我的家"

大家著番bb時代o既衫, 對比下bb同e家o既分別