芝士餅的母親節@2012

以我貢鬼懶o既人, 起初真的冇打算打呢篇blog

不過.............我記來記去都唔太記得自己舊年既母親節做過d乜  淨係記得夜晚去了北京樓食飯, 同芝士餅著了cck母女裝

所以今年都係55打番幾粒字記錄下自己第二年以媽媽身份過o既母親節先

2012.05.13 (星期日)

是日我家工人姐姐放假, 佢好早就餵了餅餅同預備了粥仔就閃了~

我就過了餅房陪一陣, 芝士餅o既樣係最乖 (一起身就變了 )

之後我就打掃抹地

到餅起身同佢梳洗完畢就打算同佢一齊畫張卡俾自己 (超低能媽媽.......................鬼叫佢上o既pg勞作居然唔整母親節花花/卡卡, 哼 )

點知佢好鬼naughty, 唔多願畫, 搞o左好耐才畫完 (平時上pg整勞作好快嫁ma~)

..................唔知點解呢幾日佢好鬼好鬼naughty, 成日郁d就喊同忟.............唔知同唔同佢打歲半針有關呢

食飽就同佢去上親子游水pg (當日好seafood地報了, 有d後悔..............好彩得6堂, e家仲有2/3堂咋)

而我就處女下海, 第一次陪餅上 (因我唔識游水, 自己都驚水)

hehe............一向發"母女裝"癲o既我, 連泳衣都係母女裝

芝士餅今個母親節都主動送了大禮俾我: vv 一篤

話說on the way 去泳池時佢請了呢杯茶我飲, 之後我係fb post status時話唔知點解goon同huggies o既游泳褲都漏尿, 朋友話游泳褲係防poo poo而唔係防vv的...........噢, 真的嗎

不過, 想試下如果我陪餅上佢係唔係好d........................答案係o既: 好d o既, 呵呵呵! 

其實個池有d位幾深水, 我自己都驚驚...........不過為了餅, 我要頂硬上啦!

游完水就回家沖涼nap下叉o下電, 夜晚就去了同99食飯慶祝

呢d節日, 冇奶油唔著母女裝啦, 我真的好喜歡好喜歡著  呢方面, 生女真的好!!!!!

e家有o左細路, 可以o既話我們都會book房食飯, 方便小朋友有d d 空間得來又唔會走來走去

今次book了謙記打邊邊............可惜妹仔突然唔c服冇來, 芝士餅冇得同家姐仔玩玩.............

不過有呀叔陪玩都好開心.........

打邊邊真的百邊不厭, 正正正!

我另外買了99至愛awfully chocholate cake俾大家食, 呀仔就買了平平的小花束俾我們幾位媽媽 (算佢啦!)



嘻嘻................其實成日都只是過得簡簡單單 (可能你們睇完大叫把鬼)

平凡是福, 一家人齊齊整整健健康康已經好開心....................我要感恩現在擁有的一切

呢幾日芝士餅仲不斷: 「媽咪媽咪媽咪」連續貢講, 真係心都甜晒 x

由衷希望芝士餅以後每年都同我一切渡過母親節, 飲下茶已經心滿意足了  



p.s.
我們之前一天就同老媽慶祝, 食飽飽就同芝士餅去ikea行下, 佢第一次去, 見到d小朋友設施就走去玩玩呢  不過一路行, 我一路day dreaming如果有間屋俾我裝修下就好了