21個月大成長報告

2012.07.29 (星期日)

我家臭豬仔21個月大了



呢個月, 除了把口講多o左d o野之外, 我覺得好似冇乜好寫tim

也許我真是一位懶媽媽, 沒有好仔細去了解自己的女兒

講真, 雖然我好喜歡BB (註: 係bb, 唔係細路), 但我覺得自己太懶太冇恆心...............所以我一直都發覺自己唔係好父母

我好像沒有為自己的女兒改變任何o野貢 (好欣賞有d媽媽為了女兒由戒玩同嚴守紀律, 又會不斷發掘培養子女學習o既任何事)

可惜................我e家係工作同家庭上兩頭唔到岸 (好多時工作時掛餅唔專心, 但放工回家又冇心機湊女)

所以有時再諗生唔生多個o既時候又會十分seafood................生好似只係想餅有個伴, 但自問自己又唔係好媽媽, 生多個o既責任同包袱我係e家未生已經感到好大


都話我唔係一個無私o既媽媽啦...............

e, 又講到好遠tim

呢個月芝士餅真係識講多o左o野...................

好似佢爸爸同佢去文具鋪玩過一次"彈波波", 有次我們再經過, 佢居然講: 彈波波............媽咪.............俾錢!

有時又會跟大人口水味講o野.............小心就會講個"心" 時

99同佢講bye bye.............佢會話Bye Bye女痳女痳

e家一入lift就會同我講"伯伯"................即係話落樓下會見到看更伯伯

見到琴行會話: 琴呀......彈呀

見到d stampers話: "禁"呀"禁"呀

.............即係開始講到有意識的小句子

同佢講過一次飯枱係table, 自始之後, 一拎張flash卡俾佢, 佢就識指住飯枱講table, 又指住自己張寫字枱講table

e家真係吸收得勁快!

戒片方面, poo poo 一早已大成功, wee wee 今個月日間都會試下除片片..............夠鐘"的"佢係potty wee wee 都ok, 但佢就唔可以未wee之前出聲, 次次都係賴完先話wee wee............賴尿!  不過, 呢方面我又唔急, 感覺上返o左學應該會易戒, 而且d乜乜物物專家都話唔水太心急, 小朋友6歲前d肌肉未能控制好好.............而且又話太早同小朋友戒, 父母可能要用上一兩個月; 相反同大丁丁o既小朋友戒, 分分鐘只需幾日時間  

睇完呢d報導, 個人舒服好多, 懶精o既我, 當然單方面接收晒啦

但係唔知點解, 佢今個月極極極愛奶朵

一上車就不斷叫要朵朵, 一扭計又話朵朵...朵朵

真係好似果d道友吊白粉癮貢

除o左扭之外, 我點都唔會屈服俾朵朵芝士餅

佢一上車叫, 我一係同佢講好快到, 冇朵食................一係就播音樂佢聽 (好奇怪, 呢招通常都ok, 播播下音樂, 佢就可以clam down)

而扭計到大喊, 有我係到通常佢都冇得食, 我會盡量利用第二樣o野引佢 (都間唔中work啦)

雖然我已經brief o左工人姐姐同99, 佢o地都話明...........但我不在家的日子就真係唔知會唔會follow啦

至於, 我真係未可以忍到心住.................因為用朵, 佢可以幾分鐘內, 唔用咩, 成粒鐘都可以唔, 分分鐘陪訓o既我們訓o左佢都唔訓

...................我知, 呢一點係我o既自私!!!!

Trouble 2 方面, 唔知係唔係我們EQ已經高O左同埋睇O左d文章, 感覺上隻餅又好似好o左d (or 我們已經接受o左 )

由於之前淘o左d書同埋係書展又買o左d, 我放晒係電視櫃其中兩格到, 可能佢容易拎到, e家都會成日拎出來叫我讀........................十幾秒

e家叫姐姐每朝同佢係張寫字枱玩一陣, 希望可以訓練到佢肯坐一兩分鐘啦

呢隻餅有時就可愛到不得了, 有時就係化身, 我真的被她控制晒成個人o既喜怒哀樂啊!!!!!!!!