「灰熊山谷」預演日

2012.07.08 (星期日)

相信各位迪迪尼粉絲都知新景點「灰熊山谷」會係2012.07.14 (星期六) 正式開放

呢期大家係報章雜誌, 甚至朋友們o既blog / fb 都見到介紹

呢日好開心收到invitation去試玩啊! 

我可以帶多3個人去...............所以我就同呀仔, 家姐姐, 老媽同唔洗飛o既芝士餅一齊去啦


大會實在體貼, 有呢張invitation card 泊車全日都可以免費呢

明知會熱到傻 (因試玩時間為正午12點到下午3點), 所以帶定風扇, handy cooler, 防曬, umberlla...........

好彩帶定umberlla, 一去到突然落起大雨來

等o左陣細雨d啦, 諗住由停車場行入樂園................點知又落過 (仲愈落愈大), 心諗............shxx, 帶住餅來貢"呢hea"?!

感恩入o左樂園就停o左雨, 後來太陽伯伯又再出來了~

去到先搵地方醫芝士餅個肚....................噢, 假日同平日o既餐廳真係好大分別

平時我們一入去任何餐廳都有位, 今日就人頭湧湧

好不容易解決完個lunch, 我們就向目的地「灰熊山谷」出發啦

我們由Adventure Land轉入去就到了「灰熊山谷」 (起初又懶醒由Toystory Land入, 因之前見到個指示牌ma..............大熱天時行了寃枉路真係 )


入到來, 唔單止個view充滿西部氣色, 連天氣都非常配合, 哈!



真係熱到溶, 真到傻

眼見我家芝士餅d汗一路流流流, 感恩佢又冇因此而大發老脾, 熱到口wear wear 就連我們大人都係啦 



所以我都冇咩心機同芝士餅影相...............只係周圍影o下

你o地睇, 地下原來都有熊掌印啊 ~

連芝士餅都係到睇呢, 哈哈哈 ~

可能我們成2pm先入到去「灰熊山谷」, 好多人都玩完pits了, 所以又唔係太多人............

而必玩o既灰熊極速礦車都唔水排好耐, 原先見個指示牌話排30分鐘 (佢另外仲有一條隊for 單人就話要15分鐘)

點知我們排隊+玩都唔水20分鐘

原先我真係驚驚唔敢玩..................不過見呀仔超想玩 (Toystory果個我又真係一定唔敢玩)

貢聽到d人話只係玩向前向後, 所以估計同Space Mountain差不多level, 所以就試試吧 (Space Mountain係我玩機動遊戲o既極限指標 )

而且呀仔都講得啱, 講明試玩, 冇奶油呢個景點最signature o既game唔玩嫁.................

好............屎就屎啦!

玩完................feel ok, 啱我level, 對我來講已經好夠刺激..................急速向前or向後已經可以令我魂飛魄散  x

由於我們已經熱到冇乜心機, 係「幸運黃金小食亭」只係hea, 所以我們冇食佢o地呢到o既特式小食tim................下次再搓搓佢個炸魚先 ~

呢到係「小灰熊禮品車」, 係獨家發售灰熊山谷主題紀念品, 出面條大街冇嫁....................

呢頂cow boy hat 好型女 (可惜我試又no good, 激屎!)



而「噴泉山谷」就係可以玩水濕身o既地方

.............由於有廣播話「灰熊山谷」要收場 (@3pm), 所以我只係快快影多幾張相就pits

不過, 你o地睇, 呢個噴泉山谷好令啊!

個地下仲會失驚冇神有水出呢!

另外, 仲有d場口俾大家影相

臨走大會仲送上小小o既紀念品, thanks!



離開「灰熊山谷」, 原先又想去睇Golden Mickey (有得坐下涼下冷氣)

點知原來假日要至少排半粒鐘

之後我們只係睇巡遊...........原來呢期係水花巡遊, d花車會周圍噴水, 我們係後排都中招啊!

芝士餅嘆埋枝奶奶, 我們玩埋小小世界同行下小鎮大街 (貪有冷氣) 就pits了 ~

呢日芝士餅收到好多貼紙啊 ~

今次係小鎮大街有收穫呀, 你睇呢個iphone case幾令



除了iphone case, d ipad case又係好多款同好令, 而且價錢合理, 花多眼亂...........都唔知買邊個好~

為慶祝「灰熊山谷」開幕, 由e家到8月係小鎮大街買o野會有extra 10% off (我們張銀卡, e家就有8折..........當然金卡個電視框會多d)

忍唔住仲買埋呢個背囊 (原價$2xx, e家$1xx), 有時自己一個人帶餅出街, 用背囊會方便d ~



下晝冇nap過o既芝士餅, 一出樂園就...............

係深井食完晚飯, 我返到屋企已經散-ed, 連洗完頭都要叫呀仔幫我吹乾個頭, 真係年紀大機器壞

雖然真係好很好很熱, 之但係, 永遠去迪迪尼我都會好開心, 真係好似擁有奇妙o既一日!  而且仲同我o既至愛們一齊去, 好開心好幸福啊!