電動世界

各位, 呢篇唔係廣告特約喔~ 

而係想分享一下我最近用o既兩款美容產品都幾好用

兩款都係電子產品…….哈, 我們e家o既生活愈來愈多電子用品同電子美容機啦

第一個想介紹o既係粉底電動刷頭



呢個Tok Tok 刷頭我係Fei E o既 Fei E Secret Beauty 樹買o既



之前大少奶同事頭婆上Fei E樹買完係敗家仔圍傾group樹激讚

係我未見真身, 淨睇條Youtube片之後已經即刻同佢落order買

由於價錢好實惠, 而且真的有用……因我早陣子用手指推BB cream真的feel 到抹唔均, 但隻BB cream已經水份重同好好推 (Origins 隻BB cream我覺得勁好用 !), 所以用電動刷頭搽粉底真的好薄好貼

而且佢又係有幾個刷頭for 濕粉 / BB cream, 乾粉同埋按摩, 真的又係另一個推介啊 !

另外一個係超聲波洗面機



相信各位愛美女士都知道Clarisonic 呢個牌子, 利用聲波潔面, 比一般塗抹式落妝潔淨超過6倍

而雖然我用緊果部唔係呢個品牌, 但我用o左3個幾月個效果都唔錯, 而且價錢比起Clarisonic平好多

我呢部Sirius係之前AnthonG搞團購買下來的 (話原價$7XX, 團購價$3XX, 不過我見AnthonG長期賣$4XX) 

其實我同繼姐買o左成年, 一直都冇用……..早排見自己又爆暗瘡, 剛巧見blog 媽Jessie 買o左個Clarisonic為自己生妹妹時都扮靚靚, 加上見茄媽一直用開Clarisonic個成效又真係唔差

於是自己再 « 的 »起心肝睇下d instruction同beautybloggers o既comments, 佢o地話我呢隻Sirius o既效果都唔差, 價錢上的確比Clarisonic吸引, 不過洗o既時間最好自己打圈加強清潔效果

初初我怕自己懶, 所以都係一日用一次 (夜晚用), 用完感覺非常良好, 即時白淨o左

之後試多幾日, 我已經決定轉為早晚都用, 用o左3個幾月, touch wood 塊面真的有改善, 出暗瘡真的少o左啊 !

我呢款超聲波洗臉機, 仲有磨砂, 導入同按摩 o既功能 (需配合唔同刷頭), 不過我覺得佢導入o既刷頭兒戲o左d (海綿), 所以一路都冇用, 而其他功能我又覺唔大需要 (我一路洗面都同時有按摩啦, 磨砂又唔係成日做), 所以都係冇用到 ~

佢個洗臉刷頭約3個月更換, 一盒已包兩個 (standard 同敏感) 刷頭, even 再買都係 $90/個, acceptable 啦~