腸胃炎

嗚~~嗚~~嗚



又去醫院 (兒科診所).............今次芝士餅得了個腸胃炎 (or 感冒菌入腸)

事緣上星期一開始, 餅餅痾了連續3天爛poo poo, 第一天我們都冇乜點理 (因為有時一次半次, 第二日都會正常番)

點知今次連痾幾天, 到第3日晚開始有d低燒, 仲愈痾愈扭同忟 (加上我同呀仔都先後感冒)



所以第4天便帶她睇醫生...............Dr Cho 叫我們呢兩日停奶/生果同蔬菜, 只俾白粥同梳打餅, 冇痾才食番其他o野

食完藥一日, 餅餅好似好番又冇痾, 見佢夜晚超扭奶奶, 我就心軟俾5安再開稀成6安佢飲

..........................

..........

結果, 當晚2-3am起身又痾爛 (嗚, 我好內疚), 第二朝起身post status 係fb

有其他媽媽教俾豆奶/冇乳糖奶粉俾BB飲, end up 我買了A+果隻冇乳糖奶粉

而芝士餅仲打破以往記錄1分鐘ko枝奶 (因白粥食o左幾餐已經唔願食)

眼見呢幾日好似好番貢, 但就3日冇poo poo

點知今晚 (2012.09.03) 我放工返來佢不斷叫poo poo, 去potty又痾唔出, 個樣係十級辛苦果隻, 喊到劏晒豬貢 (so far 係喊得至堅一次)

搓下佢個肚仔啦, 嘩................個肚好似石頭貢硬!  又唔俾人搞佢...........見到佢貢樣, 我個心都矛晒唔知點好!

原先想即刻去藥房買甘油條, 但自己又擔心.......................早幾日才痾, e家又pump會唔會有問題?!

係15-16o既時候, 老公返來................於是佢都贊成睇醫生, 因為以我貢"蛇wear" o既性格, 冇專業意見俾我, 我一定冇方向同十分seafood

由於都九點幾, 屋企附近又冇晒醫生睇, 結果又飛車去養和, 一路去一路同佢搓肚仔, 芝士餅就一路叫poo poo

睇完...................醫生都係俾甘油條同益生菌, 但我個心就真係定d

因為我一路上自己不斷往壞處想, 又諗會唔會腸抽筋 or 再worse o既情況, 仲不斷自責俾新奶粉佢食, 令佢唔受得云云...........



返到屋企, 原先我用手套+vasaline 整下佢pat pat, 之後再同佢塞藥, 可惜塞到一半我塞唔到, 隻餅又勁喊, 我又勁矛................

結果要工人姐姐接我手塞埋佢

我好唔開心!!!!!!!!

我覺得呢個係媽媽o既責任但我做唔好又做唔到

而且我之前仲貢疏忽照顧芝士餅, 搞到佢痾完又便秘



我愈來愈覺得我不是一個好媽媽!

永遠事後才發現自己的失職

芝士餅: 媽媽對你唔住!

補充:
各位媽媽, 呢期大家真的要小心take care自己小朋友......我呢兩次帶餅睇醫生, 前前後後的小朋友都又痾又嘔!  另外自己身邊又有幾位媽媽o既小朋友又係中o左招, 各位真的要多多保重啊!!