康盛人生媽媽博客活動日

2013.07.17 (星期三)

呢日好高興收到Cordlife 康盛人生o既PR邀請

去科學園參觀Cordlife 康盛人生既臍血臍帶儲存庫實驗室啊 ~



呢日我仲同大頭妹小丸子媽咪, 國皇的婚禮M&M媽咪一齊去, 去到仲見到Maggie媽, Him媽同Pok媽tim, 真的好一個blog媽聚

好.............講番正題先~

儲唔儲臍帶血呢個問題, 之前係陀芝士餅樹都有考慮過

果陣去bb展時都拎o左d資料睇, 其實當時對臍帶血有咩好處我又唔太清楚

只係知道儲o左對小朋友有保障, touchwood 有血癌或者需要換骨髓就可以拎d臍帶血用

當時都真的1516 ~

可惜...........後來知道公立醫院係唔會幫手收集臍帶血, 呢個念頭就粉碎o左

今日參加o左Cordlife 康盛人生呢個event之後, 我覺得呢個保障真的好值得考慮

所以各位準媽媽會係响私家醫院生, 真的不況考慮一下

因為科技o既日新月異, 原來e家唔單止臍血, even 連臍帶都可以儲, 而且可以保障/治療o既範圍愈來愈多

唔單止小朋友自己本身, 仲有機會幫到自己父母/兄弟姊妹親屬 (當然呢點唔可以100% sure, 但病人使用近親或家人的臍血，存活率高達95%)

呢一點令我覺得儲臍血臍帶真的值得!!!

係未參選實驗室前, Cordlife 康盛人生安排了高級品質驗證經理Arthur Lau同我們講解何謂臍血臍帶儲存的用處:

臍血又叫「胎盤血」, 是嬰兒出生後存留在臍帶和胎盤內的血液

臍血含有大量造血幹細胞, 造血幹細胞能製造出其他血細胞, 而這些細胞或可作為一種天然的替代藥物，修復或更換受損或患病的組織和器官

原來造血幹細胞都有多個不同來源，例如骨髓和周邊血..........

不過臍血中的幹細胞是人體內最年輕及原始的血幹細胞，尚未曝露於病毒或化學物質等環境因素，細胞的結構和功能因而未有出現改變。 此外，和骨髓與周邊血的幹細胞相比，臍血幹細胞中帶有宿主疾病的風險亦較低

臍血幹細胞主要應用於移植醫學中，幫助病人因疾病或藥物治療（如化療或放射治療）而受損的血液和免疫系統的修復與再生

而臍帶呢?!  原來e家都可以儲..........

臍帶是連接胎盤和胎兒的管道，通過血液輸送氧氣和營養到子宮裡的胎兒

但臍帶會在分娩後被剪掉，一般跟胎盤一併當作醫療廢物丟棄。直至最近, 研究人員開始意識到臍帶寶貴的醫療潛力...............

原來臍帶含有大量上皮幹細胞（EpSCs）和間質幹細胞（MSCs）呢兩種幹細胞均具有巨大潛能幫助修復受損的組織或器官，因此協助治療各種疾病:

上皮幹細胞形成連接、支撐或覆蓋身體某些結構和器官的軟組織，這些結構和器官包括角膜，皮膚和肝臟

而間質幹細胞則是結構性組織（如骨骼、軟骨、肌肉、纖維性組織及脂肪等）的構成要素

科學家相信臍帶還有其他尚未被發現的有用細胞呢....................

....... 而Cordlife 康盛人生就係本港引入CellOptima™獨家專利技術，可以從寶寶的臍帶組織中採集上皮幹細胞和間質幹細胞作儲存之用~

唔聽呢個briefing真係唔知原來e家儲臍血臍帶o既保障有貢多

而且睇到d figures, 呢幾年臍帶血已經成為最常用幹血細胞來源醫治兒科病人



之後有關方面又請o左婦產科醫生Dr. Dominic Law同我們示範了臍血臍帶o既收集程序

其實成個收集過程只需3分鐘，並無任何風險，而且不會影響分娩過程。

入院o既時候只要帶呢兩個「臍愛盒」, 醫生姑娘就會幫孕婦安排收集臍血臍帶

跟住再聯絡康盛人生送往實驗室進行處理及儲存就ok (Arthur話千祈唔將「臍愛盒」好放入雪櫃呢)



跟住, 原來大會仲請o左湯盈盈上來同我們一眾blog媽分享她的湊女樂同埋挑選臍血臍帶儲存庫o既經驗

盈盈話佢o地知道收集寶寶臍帶血的機會只有一次, 所以就作了一些調查

包括在上網搜集資料, 徵詢身邊朋友, 家人和個人婦產科醫生的意見, 從而確保自己作出了最佳的選擇

End up 佢o地兩公婆根據所搜集的資料, 認為康盛人生(香港)是附属新加坡交易所主板上市集團的子公司, 作為一間跨國企業, 公司o既規模令他們感到充足的信心去儲存寶寶的臍帶血及臍帶

 

見到盈盈真人, 佢真的已經修晒身 (不過佢話仲要再減喎 )

而且從佢傾談之間, 完全感覺到生完個囡真的好開心............而且仲好想再生多件tim (hehe, 佢仲摸o左我個肚肚, 希望佢下胎生個小小嘉樂仔啦 )



早幾日係《衝上雲霄2》見佢客串好鬼馬, 佢仲話好快會拍劇啦 ~

最後, Cordlife 康盛人生既職員就帶我們參觀臍血臍帶儲存庫實驗室

我第一次去學校以外的實驗室參觀呢

原來佢o地o既臍血臍帶儲存庫實驗室係全香港最大, 而且按世界級標準如美國血庫協會(AABB)及國際標準組織(ISO)而建

實驗室全天候24 小時運作，並有嚴格的環境控制系統，內有防火和防水的設備，而且保安嚴密。

實驗室設有兩間獨立的處理實驗室(可分別用作處理臍血及臍帶)

以下呢個就係臍血處理實驗室

呢個實驗室配備兩台SepaxTM―全球唯一通過美國食品及藥物管理局認可的全自動化臍血處理系統

SepaxTM除了有效採集高達99. 64％總有核細胞之外，亦能確保樣本絕對無菌，並有紀錄可追尋個別樣





跟住呢個就係臍帶處理實驗室

此處理實驗室經精心設計，用作處理及儲存臍帶組織樣本, 利用獨有的高科技臍帶處理技術，每日可處理高達40份臍帶組織 ~

 

參觀期間, 真的見到技術人員切貢臍帶呢, 真的大開眼界

呢個就係低溫儲存實驗室

亦即係臍血及臍帶組織的儲存地點, 作為長期儲存之用, 呢個低溫儲存缸的溫度常設在攝氏零下190度

根據介紹, 呢個實驗室用上防火物料，確保儲存缸及缸內的臍血臍帶樣本於防火的實驗室內妥善保存

而且實驗室配備程控降溫儀，可逐步冷凍樣本，防止急劇改變的溫度對細胞造成任何破壞

加上除了後備電之外, 萬一成個科學園有電力事故

呢個低溫儲存實驗室仍然可以自行運作一星期呢 !!!!

今次真的好多謝PR小姐同Cordlife 康盛人生既安排

去完呢個活動, 我對儲臍血臍帶o既認識真的了解多o左, 參觀完個儲存庫, 對有關方面也多了信心

如果他日有幸再生第三名 (之前都講過再生只因老公中了六合彩頭獎), 我一定會去私家生同埋會儲 臍血臍帶

而如果有親友去私家醫院生, 我都會介紹俾佢o地認識

btw, 其實e家少o左雙非..........政府醫院都可以考慮幫手安排呀, 因為成個過程只需3分鐘

有關方面都應該可以考慮下啊~~~~~~~

**************************************************************************************************************

來緊8月2號到5號既「第二十一屆國際嬰兒、兒童用品博覽」, Cordlife康盛人生臍血臍帶儲存庫會係A12擺booth

即場登記臍血臍帶儲存服務有機會節省最多HK$25,000和享有超過HK$2,000禮券

如果各位有興趣o既準媽媽, 不況去會場多了解一下先

更多資料可以去Cordlife 康盛人生個website 了解下: http://www.cordlife.com.hk/tc