芝士餅告別N班

2013.7.15 (星期一)

呢日係芝士餅最後一天上N班的日子

由去年11月上課開始, 原來芝士餅已經返O左9個半月學啦~~~

好開心睇見芝士餅返O左學之後的小進步...........e.g. 上堂時個人定o左 (但回家仍然monkey冇時停), 接收指令好o左d, 戒o左片, 守規矩o左, 比以前更能表達自己..........

umm, 可能小朋友唔水上N班, 隨住年齡增長, 我以上所講o既o野都可以pick up到, 根本唔關N班樹

不過, 由於我同老公都要返工............我真的唔太想芝士餅日日只對住工人姐姐 (雖則我家工人姐姐都會陪餅玩)

但我覺得返學玩得來會係structure好多, 而且at least 星期一至五又會見到其他小朋友, 係學校也有好多守規叫佢o地守 (e.g. 排洗, 返學要自己擺好書包, 食茶點要自己收拾........等)...........雖則佢係屋企仲未可以表現番晒出來, 但我看見芝士餅返N班呢9個半月係開心的

所以, 我更加唔捨得呢間學校............

呢日剛巧半日安產檢, 產檢完畢剛快返來可以接到芝士餅放學

也可以同班主任李老師拍一個留念和送上小小心意 ~

記得李老師初初同我講芝士餅坐唔定, 又愛上堂時周圍走

多得她耐心o既教導, 芝士餅e家上堂基本上也可以坐定定

而且李老師仲讚佢乖巧了很多..............至窩心就是上次幫同學仔揹書包

真的好感恩芝士餅遇上李老師呢...........

估唔到李老師也送了包包超人手拍給芝士餅

而學校也預備了一盒制作精美o既評估報告給家長



入面有張芝士餅之前參加種花花o既參與証書同份評估報告

估唔到芝士餅都拎o左幾多三粒星, 其他都係兩星, 而冇一星呢

(hehe..........雖則呢d o野冇評分準則, 不過又俾我呢d怪獸媽媽開心下都幾好呀)

當中芝士餅大小肌肉o既表現都好好.........反之, 藝術方面 (即唱歌同畫畫)就一般

(hehe..........剛巧我今個暑假就是報了唱歌同畫畫俾芝士餅呢 )

另外, 仲有一本制作精美O既圖片集

紀錄了芝士餅上課的生活點滴同埋老師O既comments

真的好值得留念啊...................

我睇見自己個囡好似大個o左貢多都眼濕濕呢 ~~~~~~~

 

我見有d學校N班都有畢業典禮同畢業袍著

其實我都想芝士餅呢間學校有呢 (怪獸媽咪又想集郵簿上多點回憶ma )

不過冇都冇辦法 (唯有同自己講羊毛出在羊身上........要呢d外在o野咪又要$$$$$)

any肥, 最緊要係芝士餅呢個N班生活係愉快的

她快樂所以我快樂, yeah!!!!!!!

來緊9月芝士餅將會轉另一間學校上K1啦, 希望佢來緊呢3年幼稚園生活也可以快快樂樂地學習, 認識到其他同學仔~~~~~~