芝士餅吃喝玩樂一天遊@MegaBox

2013.07.13 (星期六)

好多謝 Mega Box o既邀請, 上星期六芝士餅過o左個好充實o既週末啊

原來一個商場, 我們都可以玩成日呢, yeah!!!!!!

好..............等我報告下是日行程先

未玩前, 當然要食飽飽醫肚啦

Maketing o既同事先安排我們去稻香嘆茶 (hehe, 真的啱晒我99)

佢o地仲好有心一早order晒d點心, 所以我們一去就可以食食食

除了我們一家3口同99之外, 仲有國皇的婚禮一家4口呢~

芝士餅之前都見過Mancent同Marcus, 原先Marcuso左

但一醒之後, 芝士餅就好開心..........不斷要摸摸摸Marcus


Mancent 夾係中間好無奈啊


食飽飽之後, 我們就出發去玩lu ~

第一站係去溜冰啊..............係芝士餅第一次溜冰呢

入場當然要先度度腳搵對啱size o既溜冰鞋啦~

好彩我們有帶定長褲同外套仔咋.............因為個場都涼涼地, 而且小朋友又會跌倒

不過, 下次再來應該著防水風褸同運動衣更加合適呢 ~

另外, 我們即場買o左對手套($28)俾芝士餅

yeah................著好對溜冰鞋啦, 之不過都仲未係幾企到.................

由於老公都有十幾年冇溜冰, 佢o地兩個落場都只可以靠邊行

而我, 更加只可以係外面齋睇佢o地玩啦

之後, 有關方面安排了私人教練同芝士餅一對一教授

教練Phyllis姐姐一見到芝士餅對溜冰鞋就同我們講對鞋未穿好..............因為穿唔好, 條鞋帶拉唔實會好易整親腳踝呢~

哈...........有教練在旁, 即時行得好o左喎~~~~~

yeah................落場lu ~~~~~~~

雖則短短半小時, 係有教練指導之下, 芝士餅真的由企唔穩到可以扶住個架溜一段仔路同埋自己行到幾步呢

當然教練o既質素都好緊要, 好似今次教芝士餅o既Phyllis姐姐係專業花樣溜冰選手, 佢具有資深o既國際溜冰賽事經驗

如果真的有心想小朋友學/玩溜冰, 我覺得真的俾多少少$搵教練教一教好d啊~

學返佢幾堂, 小朋友同自己都掌握到一d基本正確姿勢同技巧, 貢之後再玩都安全d又好玩d (hehe, 我又心cc中啊  )

芝士餅同Mancent一齊跟住兩個教練一齊玩, 教練係前面放低枝筆叫佢o地行前執番

小小o既遊戲已經可以train up 行同點樣起番身, so good ~

 
(相片來源:有國皇的婚禮)

芝士餅真的玩得好開心呀...........

返到屋企仲有不斷講點樣溜冰呢..........that's why 我真的心cc想呢個暑假搵幾日叫Phyllis姐姐再教佢


最後同Papa行一round就bye bye 溜冰場啦~

好, 兩位小朋友同教練們拍一個先~

媽媽我入唔到場都要係場外拍一個先


好smart girl 貢

由於溜完冰d衫都濕晒, 有關方面就帶了我們去9/F的育嬰室換衫

Mega Box o既育嬰室出名baby friendly, 之前仲拎過獎呢



呢間育嬰室o既設施真的一應俱全............唔單止有坐奶器, 又有濕紙巾

even 連電子磅都有..............bb 1歲前, d 媽媽至緊張個體重, 係呢到換片時都可以順手磅下呢

另外又有洗手位, 水機都有...........

即係如果plan去Mega Box, 唔水帶熱水都唔怕啊, 正~

除此之外, 當然有餵奶室for人奶媽啦...............

你們睇............連high chair 都有, for 食糊仔 / 粥仔 o既bb來呢樹開餐都冇問題, 真的細心呢~

而且我們入去時都見到個清潔姐姐註場, 貢即係個育嬰室長期有人睇住d清潔 (呢點好重要呢)

由於9/F係兒童天地, 有好多賣兒童用品o既店舖, 兩位小朋友見到都好興奮呢~

周圍都有好多decor可以影相.................

而今期 21/6 ~ 8/9, Mega Box就安排了小熊維尼與好友綠色奇妙歷程, 有好多Pooh Pooh 場景同小朋友影相啊~~~~

佢o地仲安排o左好多相關活動如"Mega Club 親子蜂蜜香味肥皂 Cupcake 創意坊" 同 "Mega Club 小熊維尼與好友迎夏日 - 親子自由作畫工作坊"

大家有興趣都可以去顧客服務中心報名玩

呢隻係全港首個20呎高巨型小熊維尼造型雕塑............不過芝士餅又驚, 佢喊住只影o左張相咋~~~~~

睇完Winnie the pooh, 我們又去另外一站..................Play House 放電呀 ~~~~~

Marketing同事話呢間Play House剛剛搬大o左, 我們去呢日係新開番冇耐咋~

嘻嘻, 芝士餅一入去已經急不及待除鞋啦

一去到就玩車

叫埋Mancent繼續玩車..................

個playhouse好大呀, 但芝士餅初初只愛玩車...........

佢Papa想引佢去波波池區果邊屎都唔肯, 仲有d扭tim ~

之後見到有得砌lego又開心番



跟住又揸船 ~



呢個區都適合細個d o既bb玩..............另外有兩個唔同年齡階段o既彈床, 可惜芝士餅唔肯玩~

呢樹再入去係開party o既地方, 我們走果陣剛剛有人預備開party呢~~~~~

之前喊住唔玩, 後來玩到唔想走o既波波池區..............

呢樹有全日任玩票, 可以玩完出去食完o野, 行個圈又再番來繼續放電呀~

不過, 我們冇再返玩啦.............

因為我同細佬佬有d肚餓, 我們又走了去日和號食下午荼

可惜呢期佢冇公仔展覽 (之前有小忌廉呀), 如果唔係又可以影下相

估唔到芝士餅愛吃三文魚魚生呀............我起初放入熱湯烚一烚佢, 佢唔愛吃

俾o左半件魚生佢食就食到lam lam脷

食完芝士餅就即 , 我們都落得如此

所以順便去埋ikea行個圈睇下d床單

行完ikea餅餅就醒o左, 貢都已經差不多五點幾lu

走時見到吉之島真的仲想行多陣tim.........不過怕細佬佬太攰呢

其實生o左之後, 我自己行商場o既次數比以前少o左好多好多

好多時都係need basis先去 (e.g. 好似已睇中某d o野而去買, 買完之後又快閃)

估唔到今次一個商場我們都可以玩成日呢

帶小朋友周圍去郊遊, 接近下大自然當然係重要

之不過e家個天氣熱到貢 or 落大雨 (而我仲要大住個肚)

貢間唔中去下呢d大型商場一路嘆冷氣一路玩都不失為一個好好o既假日活動啊

今個暑假, 大家都可以考慮去Mega Box 玩番幾轉呀

再次多謝Mega Box有關人事o既安排, 我們一家都玩得好開心啊~~~~~

************************************************************************************************************
Mega Ice: http://www.megaice.com.hk/

Mega Box: http://www.megabox.com.hk/monthly_highlight_listing.php?mid=7-13&lang=tchi