整餅 --- 失望-ing

之前報o左工聯會既「西餅、蛋糕製作精選實習班(五)」琴日上第一堂, 懷著興奮既心情上學去

 

上到課室, 師傅派notes 教整 【虎皮卷】同埋【果子餅】(原來係合桃蛋糕杯)

 

跟住就叫我o地出去啦, 起初以為淨係睇示範

 

點知佢話我o地要分4-5個人一組一齊整 (因為果樹得四個電動打蛋器

)

 

吓......唔係化……

 

個章程明明話係實習班, 學員可在課堂上親自製作蛋糕, 又冇講係會分組整 (如果係我就唔報啦

),個【虎皮卷】仲可以打吓蛋, 攪吓d麵粉, 而個【果子餅】因為得一個大型攪拌器打散d牛油, 所以成個過程都係個師傅整, 我o地只係負責放粒合桃响個粉團面咁大把 (當時我個心真係响樹@#$$^%^XYZ@#*

)

 

雖然個師傅巧nice講野都幾攪笑, 但是冇得自己整晒成個餅 (編按: 我琴日只係打o左兩隻蛋同埋發o左1分鐘蛋白咋

)

 

以下係我個course 既章程 (資料來源: http://www.hkftustsc.org/stsc12.htm), 我諗緊可唔可以投訴佢o地冇specify 係小組整餅呀 (人o地二德惠都有講清楚嫁ma)……

本課程為一實習課程，除講師講解及示範外，學員可在 課堂上親自製作及品嚐其中一款糕餅。     本課程教授之糕餅款式包括：木瓜芝士蛋糕、焗芒果芝 士餅、朱古力碎粒芝士餅、法式櫻桃咖啡蛋糕、阿華田海棉 芝士餅、長崎蜂蜜蛋糕、意式芝士甜品、熱情果芝士餅、鮮 奶蛋撻、芝麻曲奇、虎皮卷、果子餅、月亮形水果小蛋糕、 炭燒咖啡千層班戟餅。   課    程：全期10課，每課3小時   費    用：全期1140元(包括實習材料費)

 上完堂, 我同個同學仔V都懷著失望-ing

既心情走…….由於我o地屋企都冇焗爐, 上完「示範實習班」都冇得practice 啦