我在著草的日子 - 購物篇

呢篇係「我在著草的日子」的最後一篇啦

去台灣唔似去日本可以有咁多野買, 所以買親的都係手信

起初想買Birkenstock

(因為自己之前兩對都係响台灣買, 當時平香港$100到), 但今次發現佢個價錢同香港一樣呀, 雖然d款係多d (特別係淡水店), 但係我買來買去都係basic款, 咁不如响香港買啦 (仲有9折tim, 哼!)

另外我本身想去買mask嫁, 可惜之前唔記得上網搵定個地址, 攪到去唔到買~

於是我大部份買既手信 (>90%) 都係食物呀

呢張相係我第二晚臨pack行李之前影低的 :

其實唔止上面將相嫁, 我o地有部份係pack o左箱

(例如: 維格鳳梨酥、港記綠豆酥、九份買的荔枝味及梅子味果凍、抗氧化紅莓汁同藍莓汁 & 黑橋牌肉乾), 旦到返香港先分

o拿, 呢張係我o地8個團友既行李相

(由於我o地太多野, 最後都係要包架Van仔送我o地去機場)

手信當中, 買得至多既係

「果風小鋪」, 佢專買一d好抵屎packing既 go go 力 / 棉花糖, 例如: 姨媽巾、偉哥、安全套、藥水膠布、按摩膏、豐胸丸、維他命等等, 呵呵呵...唔知你o地邊個收過呢

另外就係賣飛佛既

義美蜂蜜蛋糕呀

買俾自己的, 只有响誠品買既

貼紙 (都係用來貼上d心意卡到, 所以唔post啦) 同埋一條 淡水版 hello mimi 電話繩咋~

响淡水見到呢套hello mimi....成set要HK$3xx, 當時覺得唔抵, 不過e家又有d掛住佢o地tim~

另外, 部份團友們對呢間响淡水鋪頭充滿集體回憶, 亦都買o左d兒時玩意返去呀~

推介 : 如各位去九份, 可以考慮買呢個和果子呀!  個packing 同味道都好正啊   +

不過就要小心handle啊~ 因佢係要凍食

(至多只可離雪櫃一日), 所以我o地由九份返去酒店要先放番佢o地入雪櫃, 臨走果日 check out 完之後要叫酒店繼續幫我o地雪住, 返o左香港之後又要雪番佢呢!

 留心 : 之前去親淡水都係買「頑皮鐡蛋

」(因為貪方便) , 今次我o地就行入d去買「阿婆鐡蛋」, 大家諗住正宗d.......噢......原來係十級硬呀, 一d都唔好食, 哼!